E-ticarət sektorunda ən son trendlər və ERAsoft-un həlləri

E-ticaret trendleri, bu sahədə olan dəyişiklikləri izləməyimiz və öz işlərimizi optimallaşdırmağımız üçün vasitələrdən biridir. 2025-ci ildə e-ticarət sektoru daha da inkişaf edərək, istehlakçı tələblərinə və texnoloji yeniliklərə uyğun şəkildə inkişaf edir. İstər qlobal, istərsə də yerli bazarda rəqabət güclənir və şirkətlər bu dəyişikliklərə ayaq uydurmaq üçün daha cəld strategiyalar tətbiq etməli olurlar.

Süni intellektin geniş istifadəsi, sürətli çatdırılma xidmətlərinin optimallaşdırılması və alternativ ödəniş metodlarının populyarlaşması kimi yeniliklər, bu sahədə fəaliyyət göstərən bizneslər üçün yeni imkanlar yaradır. Bu yazıda, 2025-ci ildə e-ticarət sektorunda ən son trendləri, Azərbaycanda bu sahədə olan problemləri və ERAsoft-un bu problemlərə uyğun olaraq təqdim etdiyi həlləri bir araya gətirdik.

 

E-ticarət trendləri 2025

1. Süni intellektin təsiri genişlənir

2025-ci ildə süni intellekt yalnız müştəri dəstəyində deyil, həm də fərdiləşdirilmiş alış-veriş təcrübələrinin yaradılmasında əsas rol oynayacaq. AI texnologiyaları (ChatGPT, DeepSeek və s.) müştəri davranışlarını analiz edərək onlara xüsusi təkliflər təqdim edəcək, bu da alış-veriş prosesini daha intuitiv və effektiv edəcək.

 

2. Ani və Hiper-sürətli Çatdırılma Standart Hala Gəlir

Müştərilər artıq günlərlə sifariş gözləmək istəmirlər. Sürətli çatdırılma, hətta bir neçə saat ərzində məhsulun ünvana çatdırılması 2025-ci ildə e-ticarət sahəsində əsas standartlardan birinə çevriləcək. Bu, dron çatdırılmaları və avtomatlaşdırılmış logistika sistemlərinin tətbiqi ilə mümkün olacaq.

 

3. Mobil Alışveriş Üstünlük Qazanır

2025-ci ildə mobil cihazlar üzərindən alış-veriş edən istifadəçilərin sayı daha da artacaq. Artıq müştərilər alış-veriş edərkən kompüterlərdən daha çox smartfon və planşetlərə üstünlük verirlər. Bunun nəticəsində, şirkətlər öz vebsaytlarını və tətbiqlərini mobil dostu etməyə daha çox sərmayə qoyacaq.

 

4. Sosial Media Əsas Ticarət Yerinə Çevrilir

Instagram, TikTok və Facebook kimi sosial media platformaları sadəcə ünsiyyət vasitəsi olmaqdan çıxıb, e-ticarət üçün güclü satış kanallarına çevrilir. 2025-ci ildə şirkətlər birbaşa sosial media üzərindən məhsul satışı və reklam imkanlarından daha geniş istifadə edəcək. Bu səbəblə SMM xidmetinin önəmi də artır.

 

5. Alternativ Ödəniş Metodları Populyarlaşı

Kriptovalyutalar, mobil cüzdanlar və "pay later" (sonradan ödə) kimi ödəniş metodları daha geniş yayılacaq. Müştərilərə daha çox ödəniş seçimi təqdim edən şirkətlər rəqabətdə üstünlük qazanacaq.

 

6. Yaşıl Biznes Modelinin Önəmi Artır

İstehlakçılar getdikcə daha çox ekoloji cəhətdən təmiz məhsullara və yaşıl biznes modellərinə üstünlük verirlər. 2025-ci ildə şirkətlər karbon izini azaltmaq, ekoloji qablaşdırmadan istifadə etmək və təkrar emal imkanları yaratmaq kimi strategiyalara daha çox diqqət ayıracaq.

Bu trendlər, e-ticarət sahəsində fəaliyyət göstərən hər bir şirkət üçün yeni imkanlar yaradır. Növbəti bölmədə isə Azərbaycanın e-ticarət sektorunda mövcud problemlərindən bəhs edəcəyik.

 

Azərbaycanda e-ticarət sahəsində mövcud problemlər

E-ticarət qlobal miqyasda sürətlə inkişaf etsə də, Azərbaycanda bu sahənin qarşılaşdığı bəzi çətinliklər hələ də həllini tapmayıb. İstər yeni başlayan bizneslər, istərsə də mövcud e-ticarət platformaları üçün bu problemlər inkişafın qarşısında maneə yarada bilər.
 

1. Logistika və çatdırılma problemləri
Azərbaycanda e-ticarət sektorunun əsas çətinliklərindən biri çatdırılma sisteminin yetərincə inkişaf etməməsidir. Sifarişlərin gecikməsi, bəzi bölgələrə çatdırılmanın məhdud olması və logistika xərclərinin yüksəkliyi həm satıcılar, həm də müştərilər üçün narahatlıq yaradır.
 

2. Ödəniş sistemlərinin məhdudluğu
Hər nə qədər bank və ödəniş sistemləri inkişaf etsə də, Azərbaycanda hələ də onlayn ticarətdə alternativ ödəniş metodlarının sayı azdır. Kriptovalyuta, "buy now, pay later" (sonradan ödə) kimi trendlər hələ ki, geniş yayılmayıb. Bu isə müştərilər üçün seçim imkanlarını məhdudlaşdırır. Hətta bəzən online ödəniş sistemi adı altında veb-saytların hazirlanmasi zamanı card2card funksiyası əlavə edilir.
 

3. İstehlakçıların etimadsızlığı
Bir çox insan onlayn alış-veriş edərkən məhsulun keyfiyyətindən və ya satıcının etibarlılığından əmin olmur. Azərbaycanda hələ də ənənəvi mağazalardan alış-verişə üstünlük verənlərin sayı kifayət qədər yüksəkdir. Bunun səbəbi isə saxta məhsullar, zəif müştəri xidməti və geri qaytarma siyasətindəki problemlərdir.
 

4. Rəqabətin yüksək, bazarın isə kiçik olması
Yerli e-ticarət bazarında bir neçə iri platforma dominant mövqedədir, kiçik və orta sahibkarlar isə onlarla rəqabət aparmaqda çətinlik çəkirlər. Bundan əlavə, bazarın kiçik olması və istehlakçıların məhdud sayı şirkətlərin böyüməsini çətinləşdirir.
 

5. Marketinq və SEO biliklərinin azlığı
E-ticarət sahəsində fəaliyyət göstərən bir çox şirkət hələ də SEO, rəqəmsal marketinq və brendinq strategiyalarını tam mənimsəməyib. Bu isə onların müştəri cəlb etmə imkanlarını məhdudlaşdırır və beynəlxalq bazara çıxmalarını çətinləşdirir.